"YES."
Ilang beses napalunok si Carmina habang nakatitig sa makahulugang ngiti ni Gabriel. Kinailangan pa niyang ipunan ang natitirang lakas sa katawan upang magawang alisin ang pagkakatitig dito. Kagat-labi siyang lumapit sa salaming pader sa likuran ng malaking salaming hagdan at pinagmasdan ang likod ng bahay. Napanganga pa siya nang makita ang malaking swimming pool sa labas. Pinaliligiran ito ng puting fences. Mula sa swimming pool ay nabaling sa mga matataas na puno ang paningin niya. Bahagya siyang kinilabutan nang maalala ang palabas na Wrong Turn.
Nilingon niya si Gabriel at nakita itong pumasok sa living room na nasa kaliwang parte ng bahay. At dahil salamin ang pader niyon ay kitang-kita niya ito mula sa kinatatayuan. Ibinaba ng lalaki ang mga bag nila at tumitig ito sa isang
