"KUNG ito ang makakatahimik sa 'yo. Sige lalayo na ako sa 'yo, Yolly," malungkot na malungkot na saad ni Leandro habang nakatingin kay Yolly sa may terrace. Naroon si Yolly, tinatanaw nila ni Karen.
"Okay ka lang?" tanong ni Karen sa kaniya.
Buong pagmamahal na ginagap niya ang kamay ng dalaga. Magkatabi sila sa kotse. Ayos na sila. Nagkabalikan na sila.
"Nalulungkot lang ako," pag-amin niya sa nobya.
"Sorry, Leandro, sa ginawa ko." Nahihiyang nagyuko ng ulo si Karen.
Sa halip na sumagot ay niyakap niya ang dalaga. Nagkausap na sila. Nagkapaliwanagan, at nagkaintindihan. Nahirapan man siya na paniwalaan ulit si Karen na ito na ang mahal niya ay sa huli nagtiwala pa rin sa kanya ang dalaga. Bibigyan daw siya ulit ng chance. At nangako siya na huli na ito na pupuntahan niya si Yolly. Gu
