HUMINTO ANG SINASAKYAN NAMIN. Nasa restaurant kami na pagmamay-ari ng pamilya namin. Ito ang restaurant kung saan ko binusted ang mga Hanlon.
Bakit nandito kami ngayon? May okasyon ba sa angkan namin na hindi ko knows?
Bumaba na rin ako nang magsibabaan ang mga pinsan ko. Takang-taka pa rin ako sa mga nagyayari ngayon. Ano bang mayro'n?
Kumunot ang noo ko nang makitang maraming sasakyan ngayon na nakaparada. Hindi naman bago sa restaurant na ito ang ganitong karaming sasakyan pero hindi ako mapakali sa kinalalagyan ko ngayon.
Binuksan ni Tyron ang pinto sa restaurant at pinauna niya kaming pumasok. Wow, kailan pa siya naging gentleman? Anong nakain kaya ng isang ito?
Napahinto ako nang makitang ang angkan namin dito. Nandito ang mga elders, tita and tito namin at iba pa naming pins
