"Sino iyong babaeng kasama mo sa sasakyan?" hiyaw ni Mommy. Akma pa lang akong papasok sa bahay namin ay naririnig ko na agad ang bunganga nito.
Mabilis kong inilabas ang cellphone ko. Si Bible agad ang naisip ko. Binalot ng pag-aalala ang puso ko para sa kapatid ko.
"Where are you?" iyon agad ang itinipa ko saka isinend sa nakababatang kapatid.
"Dito pa ako sa library sa school, Kuya." Nakahinga ako nang maluwag nang ma-receive ang sagot nito.
"Okay. Text ka kapag pauwi ka na."
"Wala sabi!" sigaw ni Daddy.
"I saw you! Pinatakbo mo lang iyong babae para hindi ko abutan. Gusto mo bang makaabot sa ama mo ang ginagawa mo? Sinisira mo ang pamilya natin, Lucifer! Titiyakin kong mananagot ang babaeng iyan sa akin. Sisirain ko ang buhay n'ya." Galit na hiyaw ng aking ina.
Noon si Dad
