Binantayan ko na ang bawat kilos ni Nurse Austin simula nang ilabas ni Helena nang nakaraan ang saloobin niya tungkol sa weird na lalaki. Ayaw ko sanang maniwala sa umpisa dahil hindi ko naman siya pinaghihinalaan ng kung ano-ano dahil maayos naman ang pakikitungo niya sa lahat ng empleyado rito sa LMH. Hindi lang iyon, masipag din siya at malinis magtrabaho. 'Yon pala, huwad ang lahat ng pinapakita niya sa aming lahat para sa mga plano niya na hindi ko matukoy.
Napagtanto ko na tama ang mga hinala ni Helena nang ma-review ko ang record sa CCTV. Binilang ko rin ang araw na wala siya at tumugma nga ito sa mga espekulasyon ni Helena. Naniniwala ako sa instinct niya. Una pa lang kasi ay hindi na siya komportable sa presensiya ng lalaki. Tapos madalas pa itong lumapit at nangungulit sa kanya
