MARCO
WALANG pagsidlan ang kasiyahan niya dahil sa wakas ay makikita na niyang muli si Vrenda. Nakasunod ang kotse niya ngayon sa police mobil na lulan si Gwyneth papunta sa Valenzuela. Ayon dito ay sa isang maliit na hotel doon sila nag-check in ng kanyang kasintahan.
Pagdating doon ay nauna pa siyang bumaba. Naka-posas habang naglalakad si Gwyneth at nakasunod sila ng ama nito. Lahat ng maraanan nilang tao ay nagtatanong ang mga mata na nakatingin sa kanila partikular kay Gwyneth at sa naka-posas nitong mga kamay.
Dinala sila nito sa silid na inookupa nito at ni Vrenda pero wala ng tao sa loob niyon kahit pa anong pag-ha-halughog ang gawin ng mga pulis.
"Sir, negative," anang isang pulis matapos masuyod ang buong kwarto. Para na namang sinaksak ang kanyang pakiramdam dahil doon. N
