INUWI siya ni Aling Iska sa bahay nito pagkagaling nila sa ospital. Doon ay sinabi niya sa matanda na may amnesia siya at tumakas sa tumangay sa kanya na nagpanggap na ate niya. Sinabi rin niya ritong hindi niya alam na buntis siya at ngayong araw lamang niya nalaman ang tungkol doon.
Payak ang pamumuhay ni Aling Iska. Nakatira ito sa isang lumang bahay na yari sa purong tabla na ang mga bubong ay kinakalawang na at ang mga sahig ay nananatiling lupa at hindi pa sementado. Mag-isa nitong binubuhay ang sarili dahil matagal na raw patay ang asawa nito at sa kasawiang palad ay hindi biniyayaan ng anak. Pagtitinda at paglalako ng kung anu-ano ang ipinangbubuhay nito sa sarili sa kabila ng katandaan. Katunayan ay bahagya na ngang baluktot ang likod nito at marami-rami na ring puting buhok per
