Dinala siya ni Marco sa ginagawa pa ring bahay. Ilang manggagawa ang naabutan nila roon na kaagad silang binati.
"Magandang umaga po, Architect, Ma'am," anang isang may edad na lalaki na sa tingin niya ay foreman.
"Magandang umaga, Kuya Mando. Kumusta naman kayo rito? Natutuwa ako at ang bilis ng trabaho ninyo," nakangiting sabi ng binata.
"Salamat po, Architect. Minamadali na ho namin dahil ang sabi ninyo'y kailangan na itong matapos sa lalong madaling panahon. Ngayon ay mukhang alam na namin kung bakit," pagbibiro pa nito kay Marco na nakita niyang nahihiya habang pasimple siya tinitingnan.
"Tama ka, Mando. Regalo ko sana itong bahay dito sa pinakamamahal ko sa araw ng kasal namin pero wala, e, nalaman niya kaagad pero ayos lang." Tinitigan siya nito ng buong pagmamahal saka siya k
