"Sige po, Kuya Alexo, Rigo, papasok na po ako sa trabaho," kiming paalam ni Maiza sa dalawang lalaki. Yumukod din siya bahagya bilang paggalang. Tutunguhin na niya dapat ang pinto palabas.
"Rigo, ihatid mo na sa labas si Maiza," nang narinig niyang utos ni Sir Alexo sa pamangkin nito.
Kokontra sana siya dahil ayaw niyang makaabala, pero wala naman sigurong masama kung ihahatid lang siya ni Rigo sa labas. At saka ayaw niyang pahiyain si Sir Alexo. Gentleman lang siguro sila.
Nagkatinginan sila ng binata at nagkangitian.
"Let's go," nahihiya ring sabi sa kaniya ni Rigo. Ito na ang nagbukas ng pinto.
"Salamat," kiming aniya.
Hanggang sa may gate siya inihatid ni Rigo. Tahimik pa rin ang binata, na kaniya namang lihim na ipinagpapasalamat dahil nahihiya siya rito. Hindi niya alam pero na
