"Um, Rigo..." Biglang lingon si Maiza kay Rigo nang may maalala siyang dapat pang sabihin rito bago siya umalis.
Ang patalikod na sanang binata upang bumalik sa loob ng bahay ay lumingon din sa kaniya.
"Puwede bang huwag mong sasabihin sa asawa ko ang tungkol sa dalawang babae na iyon?"
Hindi na nakapagsalita ang binata dahil nagbukas na ang pinto ng bahay at iniluwa roon ang pupungas-pungas pang si Olmer.
Lalong rumigudon ang kaba sa dibdib ni Maiza. Buti na lang at napaalis na niya sina Yumi at Therese.
Kung bakit ginagawa niya ito ay hindi niya alam. Siguro dahil ayaw niya lang na mas masaktan.
"Sino ka?!" matalim na tingin ang pinukol ni Olmer kay Rigo.
Agad pumagitna si Maiza sa dalawang lalaki. "Olmer, pamangkin siya ni Kuya Alexo. Siya si Rigo. Rigo, siya si Olmer. Asawa ko,
