"Sigurado ka ba? Si... si Ma'am Yumi talaga ang nasa bahay?" garalgal na tanong ni Maiza kay Rigo.
Dalawang tango ang ginawa ng binata bilang sagot.
Natutop ni Maiza ang kanyang bunganga. Sinakluban siya ng matinding takot. Hindi dapat naroon si Miss Yumi. Baka... baka...
"Kailangan ko nang umuwi!" hestirikal na niya. Ngayon ay alam na niya kung bakit ganoon na lang ang kaba niya kanina pa.
"You cannot go home yet, Maiza. Mas gugulo lamang ang sitwasyon." Subalit ay mas hinigpitan ni Rigo ang pagkakahawak sa braso niya.
"Bitawan mo ako, Rigo. Kailangan ako ni Ma'am Yumi. Baka kung anong mangyari sa kanya kapag matuklasan niya ang kahayupan ni Olmer," piksi niya. Mangiyak-ngiyak sya.
"Huminahon ka nga muna," pigil pa rin sa kanya ni Rigo. Ayaw talaga siyang bitawan at wala siyang pala
