"Bakit hindi mo pa siya pinatay?" galit at dismayado ang boses ni Ate Olivia habang palabas sa bahay.
"Alam mong mahal ko siya.” Nagdilim ang mukha ni Olmer. Hindi niya nagustuhan ang tabas ng dila ng ginang.
"Siya ang puwedeng dahilan ng pagkakakulong natin kung sakali kaya puwede ba kalimutan mo na ang lintik na pagmamahal na ‘yan. Hindi mo kilala ang asawa ko, Olmer. Para sabihin ko sa ’yo ay baka ora mismo ay mapatay ka niya. Mali tayong dalawa pala kapag nalaman niya ang ginagawa natin."
"Hindi ako mamamatay tao. Tapos ang babaeng mahal ko pa ang gusto mong patayin ko. Nababaliw ka na ba?"
"Puwes gawan mo ng paraan! Kung hindi ka naman kasi tanga na pagsabay-sabayin ang tatlong babae ay hindi sana mangyayari ito!" bulyaw ni Ate Olivia na nanggagalaiti sa galit.
“Sino ba’ng gumami
