Maiza was still shocked. Matagal na siya sa silid nila ni Olmer pero hindi pa rin siya makapaniwala sa nalaman niyang totoong pagkatao ni Rigo. Yakap niya ang sarili habang pabalik-balik siya ng lakad. Hindi siya mapanatag. At hindi lang dahil doon kung bakit hindi siya mapalagay ngayon, kundi dahil din sa hindi na niya nasagot ang tanong ni Rigo sa kaniya kanina. Halu-halo na.
"At matagal ko nang gustong aminin kay Sir Alexo ang mga nalalaman ko na ‘yan, subalit ikaw ang pumipigil sa ’kin, Maiza. Ngayon tatanungin ulit kita. Sigurado ka na ba?" tinig na naman ni Rigo sa kaniyang isipan.
Parang sumakit ang ulo niya na napahawak sa may bandang sintido niya sa pag-alala ng pag-uusap nila ni Rigo. Bigla ay nagkaroon siya ng agam-agam. Hindi na buo ang kaniyang desisyon. Nagkaroon na siya ng
