"Therese, si Yumi? Sa bahay niyo ba siya natulog kagabi?" tanong agad ng isang lalaking pumasok sa flower shop kay Therese.
Napatingin si Maiza sa lalaki. Sa tingin niya ay ito ang kapatid ni Yumi. Hawig kasi sila ng dalaga. Tall and commanding ang presensya nito. He had a sensual lip, medyo pangahan. Malinis itong manamit, pang-executive. Nakaitim na slacks and leather shoes. Naka-long sleeves at tie. Sa guwapo nito ay naramdaman nga ni Maiza ang pagkakilig ni Iris.
“Hoy,” natatawang sita niya kay Iris.
“Kuya ni Ma’am Yumi ‘yan. Crush na crush ko,” pabulong na sabi sa kaniya ni Iris.
Pinanlakihan niya ito ng mata. Kulang na lang kasi magka-epilepsy ito sa kilig.
"Kuya Junley, hindi po. Why? Didn't she go home last night?" balik-tanong naman ni Therese sa lalaki.
"Hindi, eh. Akala ko
