Masama pa rin ang tingin ni Yumi sa likod ni Olmer habang inaalalayan ito ni Rigo sa paglabas sa bahay na pinagkulungan sa kaniya. Nauna ang dalawang lalaki at nakasunod sila ni Maiza.
"Ma'am, ayos ka lang?" untag ni Maiza kay Yumi para maalis ang masamang pagkakatingin nito kay Olmer.
"Hindi ko alam kung paano mo siya nagagawang patawarin sa kabila ng ginawa niya sa 'tin, Maiza. Ginawa niya tayong laruan, lalo na ikaw. Tapos kung pakitunguhan mo siya ngayon ay parang wala lang? I don't understand," mahina pero madiin na madiin ang tinig ni Yumi. Animo’y ibang tao na ito. Hindi na katulad ng Yumi noon na mabait at mahinhin. Ngayon, ang dalaga na’y puno ng paghihimagsik. Pero siguro ay dahil sa sakit na nararamdaman nito sa ginawa ni Olmer.
Sino nga ba ang hindi mapupuno? Kung dalawang b
