Alanganin man ay nagawa pa ring hawakan ni Rigo ang doorknob ng pinto; ang pinto ng silid nina Maiza at Olmer. Gusto niyang makita si Maiza, kumustahin kung ayos lang ba ang kalagayan nito. Hindi talaga siya mapakali lalo't sumasagi ang nangyari noon sa nanay niya sa isipan niya. Noong akala niya ay nagkukulong lamang sa silid ang ina pero wala na pa lang buhay gawa nang pambubugbog ng walanghiya niyang ama. And that was fifteen years ago. Sampung taong gulang lang siya noon pero hindi kailanman naalis sa kaniyang isipan.
He sighed. Sinundot na naman ang kaniyang guilt. Kahit alam niyang wala siyang kasalanan sa pagpanaw nang maaga ng kanyang ina noon ay hindi pa rin niya maiwasan na sisihin ang kaniyang sarili. Laging iniisip niya na sana malaki na siya noon para naipagtanggol niya ang k
