Chapter 53
Kung mapapasukan lang ng langaw ang bibig ng mga magulang ni Stephanie, baka libo na ang nakapasok. Dumating silang mag-asawa at nagmamartsa siya, na daig pa ang majorette noong kapanahunan niya.
Nadatnan nila sina Hener, Joe at Caridad na magkakaharap sa kahoy na mesa sa labas. Kumakain ang mga iyon ng puto at kutsinta.
Nagmano siya sa mga magulang pero wala pa rin siyang imik. Nang dumikit sa kanya ang asawa niya ay lumayo siya at umismid. Ramdam niyang nakatingin ito sa kanya. Basta masama ang loob niya at wala siyang pakialam kaya dali-dali niya itong inakit pauwi, kaysa naman maglandi pa ito roon sa Monica na iyon. Kahit na nakaganti na siya, hindi pa rin nawawala ang sama ng loob niya sa ginawa ni SJ na paglilihim sa kanya.
“Kayo bang mag-asawa ay magkaaway?” tanon
