KUMISLOT si Zarina nang marinig niyang may humintong kotse sa tapat ng gate at bumusina ng malakas. Alam niyang si Kenji na iyon kaya dagli siyang lumabas upang pagbuksan ito ng gate. Puting t-shirt lang ang suot ni Kenji at itim na jeans. Tsinelas lang ang sapin nito sa mga paa. Nanginginig pa ang kamay niya habang binubuksan ang gate.
Pagkapasok nito ay ikinulong siya nito sa mga bisig nito. Hinilot-hilot nito ang mga kamay niyang nanginginig. "Relax lang, you're safe with me," alo nito sa kanya.
Nang humupa ang pangangatal ng katawan niya ay kumalas siya sa yakap nito. Iginiya na siya nito papasok sa kabahayan. Pinaupo siya nito sa sofa at ito pa ang kumuha ng tubig na iinumin niya. Nahimasmasan siya nang makainom ng tubig. Pagkuwa'y umupo ito sa tabi niya.
"Ano ba ang nangyari?" tan
