NAWINDANG si Zarina sa sinabi ni Margareta. Awtomatiko'y nanumbalik sa isip niya ang naganap noon sa ospital...
"Anong nangyari sa asawa mo, miss?" tanong ni Zarina sa babaeng kasama ng pasyente.
Tinitigan lang siya ng babae. Nawindang siya nang marinig ang sinabi ng ilang pulis na sinasapian daw ng masamang espiritu ang lalaki.
"Dapat sa abolaryo dinala 'yan hindi rito sa ospital!" narinig niyang sabi ng ilang nurse.
Sa mga sumunod na araw ay muling isinugod ang lalaking iyon doon sa ospital dahil na-aksidente. Kapapasok lamang niya makalipas ang isang linggong leave para maasikaso ang papeles niya para sa kasal nila ni Allen. Kinabahan siya pagpasok niya sa hospital room ng pasyente. Kukuhaan sana niya ito ng temparatura sa katawan. Nagtataka siya, minor lang naman ang sugat nito sa
