Tse! Neknek mo! Namo ka, Walden!
Walden's POV
“Ano? May nahanap ba kayo?” galit na tanong ko sa mga tauhan ko pagsungaw pa lang nila sa pinto ng kwarto ko.
“W-wala, Boss. Wala sila sa mga lugar na sinabi mo,” sagot ni Matias na siyang naglakas-loob na sumagot. Halos hindi na sila humakbang ng mga kasama niya papasok sa loob ng kwarto ko dahil siguro takot silang tamaan ng mga bagay na madampot ko at ibabato ko sa kanila kapag nagalit ako sa ibabalita nila.
“Punyeta! Negative na naman? Wala na kayong magandang ibinalita sa akin! Puro wala, wala, at wala pa rin! Wala man lang kayong nakuhang hint kung saan sila nagpunta? Sa Davao? Pumunta ba kayo roon? Sa Baguio, sa Mines View! Lahat ng mga pinuntahan niyang lugar ay binalikan niyo sana at nagpabalik-balik kayo roon! Malay niyo maispata
