KADALASAN, ang isang pulidong pagsasanay para maging ganap na demon ang isang nagsisimula pa lamang ay inaabot ng ilang buwan. Nangangailangan din ito ng seryosong patnubay mula sa isang bihasang taga-turo, at nangangailangan din ito ng tamang paggabay dahil posibleng mas mangibabaw ang halimaw na katauhan nito kung hindi matututukan nang mabuti.
Kaya nga laking-gulat ni Ryzen nang makalipas ang isang araw ay nakabalik na muli ang kanyang ama at si Beazt sa kanilang kuta. Alam naman ng binata na kailangang magawa ito sa mabilis na paraan, subalit, hindi ganito kabilis ang kanyang inaasahan.
Nakita na lang ni Ryzen ang pagbulagta ng katawan ni Beazt sa tabi ng kanyang ama sa muli nilang pagbabalik sa Dead Zone.
“Kailangang ibalik mo siya sa labas at doon ninyo siya pagalingin. B
