ILANG mga Heroes na kaaagad ang nalagas nang magsimulang pasukin ng mga ito ang Dead Zone. Napakadilim dito at wala silang makitang kahit ano. Nilakasan na nga lang nila ang kanilang loob ngunit karamihan sa mga ito ay pinabagsak na kaagad ng bigat ng gravity na narito.
Nahirapan din ang karamihang kumilos at ang nananatiling nakatayo ay ang sadyang malalakas na bayani na may taglay na pambihirang lakas.
“Ganito pala rito sa loob,” seryosong winika ni Engris na kasalukuyang nagliliwanag ang pulang aura habang nakatayo nang maayos. Hawak-hawak na rin niya ang kanyang espada, at tanging ang pakiramdam na lang niya ang kanyang inaasahan sa sandaling ito dahil wala siyang makita sa paligid.
Tahimik namang naglakad si Myth na tila ba nakikita ang nilalakaran. Naririnig niya ang hina
