ISANG MALAWAK na kagubatan ang biglang kinabagsakan nina Beazt at Marcus. Ang bawat narito ay iisa lamang ang kulay, ito ay ang itim. Itim na mga puno, mga halaman, at mga katubigan ang makikita rito. Subalit sa kabila ng kulay nito’y wala itong pinagkaiba sa isang maganda at mayabong na tunay na kagubatan... Sariwa ang hangin dito at ang lugar na ito ay ang tahanan ng binatang lumikha nito.
Huminga nang malalim si Beazt at nakaramdam siya ng kaginhawaan sa lugar na ito. Naglaho na rin ang itim na aurang bumabalot sa kanya at ang itsura niya ay bumalik sa normal niyang wangis.
“Kaya mo ring gumawa ng Dark Field? A-at nagawa mong sirain ang sa akin gamit ito?” Napakuyom ng kamao si Marcus na nanatili sa Full Demon Form na punong-puno pa rin ng lakas at enerhiya.
“Pero hindi ko n
