WALANG magawa si Kuro kung hindi ang sundin ang kagustuhan ng kanyang katawan sa mga gusto nitong gawin. Alam niya ang ability ni Zargus subalit hindi niya alam na ito ay may kakayahan ding kontrolin ang isang indibidwal. Ang tanging naaalala niya ay may mga kinokontrol itong mga puppets noon, ibig-sabihin, hindi ito ipinakita sa kanila ni Zargus.
Naalala rin ni Kuro ang ilan sa nabasa niya noon, na ang mga demons ay malawak ang kayang gawin pagdating sa kanilang mga abilidad.
Muling nagliyab ang kamao ni Kuro at sa ibang direksyon naman siya pinaharap ni Zargus habang nakangising pinapanood siya. May mga estudyante siyang nakita sa direksyong iyon at wala na muli siyang nagawa dahil itinira muli niya ang kanyang napakainit na apoy patungo sa kanyang mga kasamahang kasalukuyang nak
