Matapos ang klase niya agad na siyang nagpaalam sa dalawa niyang kaibigan na ayaw siyang tigilan sa pangungulit kung sino ang nagpahatid sa kanya kanina sa school. Sinasabi na lang niya sa mga ito na soon ay sasabihin rin niya para tumigil na ang mga ito, kahit na alam niya sa sarili niya na hindi niya masasabi sa mga ito ang totoo.
"Ang daya mo Liyah, para kang hindi kaibigan," tila nagtatampong saad ni Evie sa kanya.
"Kaya nga, samantalang dalawa na nga lang tayong kaibigan niya," segunda naman ni Jade.
Pinakainiiwasan pa naman niya ay ang magtampo ang mga ito. Ang dalawang kaibigan kasi niya ang karamay niya sa lahat ng problema niya. Iyon nga lang masyadong kontrobesyal ang lahat, at isama pang baka magalit naman ang mga ito sa kanya dahil nga si Congressman ang lalaking iyon na kap
