"Baka gabihin na tayo sa daan kaya sa condominium na lang tayo magpalipas ng gabi,' saad sa kanya ni Mikel nang bumibiyahe na sila. Makakatanggi pa na siya eh mukhang planado na naman ni Mikel ang pagpapalipas nila ng gabi sa condo nito. Baka akala nito katulad pa kagabi ang lahat at papayag na naman siyang may mangyari sa kanila. Sasawayin na niya ang kanyang katawan, hindi siya papayag, kahit pa na gusto ng kanyang katawan lalabanan niya ito.
"Wala naman na ko magagawa pa kahit mas gusto kong umuwi tayo ng San Juan,' tugon niya kay Mikel.
"I guess," saad nito sa kanya. Humugot siya ng malalim na paghinga at tumingin sa labas ng bintana para makita kung gaano kaganda ang Maynila. Ito ang unang pagkakataon na nakarating siya ng Maynila, at totoo nga ang sinasabi ng marami na maganda ang
