"Bakit ba gusto mo na agad sumabak sa trabaho?' Usisa ni Andrie sa kanya habang kumakain sila. Nasa kabilang mesa naman ang security niya at kumakain rin ang mga ito. Mukhang may budget ang mga ito galing kay Miko.
"I need money," amin niya sa kaibigan. Sa tagal na nilang magkaibigan ni Andrie hindi na siya mahihiya pa rito na aminin na kailangan niya ng pera. Ang tanging hindi lang naman niya pwedeng ipaalam sa kaibigan ay ang tungkol sa kanila ni Miko.
"Money? Para saan? Sa school mo ba? Sa pagbabalik mo sa New York?" Sunud-sunod na tanong nito sa kanya.
"Kaibigan kita Andrie at ayokong magsinungaling sa iyo. Lalo na't ikaw lang ang pwedeng makatulong sa akin para makahanap ako agad ng trabaho," she said.
Seryoso naman ang mukha ni Andrie na hinihintay ang sasabihin pa niya rito.
I
