MAAGANG nagising si Crisostomo nang araw na iyon. Mas maaga kaysa sa nakasanayan niya. Ngayon kasi ang dating ng mga estudyante mula sa Manila na mag-o-on-the-job-training sa Bukid ni Jose. Gusto ng binata na siya ang personal na nagwe-welcome sa mga ito kaya nag-e-effort talaga siya na gumising nang maaga.
Pagkadilat ng mga mata ay sumulyap siya sa orasan. Mag-aalas kuwatro pa lang ng umaga. Saka siya tumayo at niligpit ang kutson na nakalatag sa sahig, kung saan siya natutulog. Tapos nang magtupi ng kumot si Crisostomo at mag-aayos na lang sana ng mga unan nang mapasulyap siya kaniyang kama. Mula roon ay nakita niya si Anne na mahimbing na natutulog. Nakatihaya ito noong una. Pero bigla itong gumalaw at humarap sa kinaroroonan niya.
Sa halip na ituloy ang pagliligpit, dahan-dahan na u
