ARABELLA
NAWILI kami sa pagkukuwentuhan ni Gabriel. Hindi niya napansin na napadami na pala ang inom ko ng alak.
“Hey, that’s enough. Lasing ka na, o,” saway niya sa akin nang makita niyang tumungga uli ako ng alak. Napansin din niya siguro na namumungay na ang mga mata ko. “Ang sabi ko sa’yo, kalahating baso lang, ‘di ba.” Sinubukan niyang agawin sa akin ang baso na hawak ko pero inilayo ko.
“Don’t worry, tito. Hindi pa naman po ako lasing.” Ngumisi ako at umiling. “Kayo nga po diyan ang lasing, eh. Tingnan n’yo, o. Ang gulo-gulo na ng buhok n’yo, tito.” Inabot ko ang kaniyang buhok na medyo may kahabaan na at magulo na tingnan.
Totoo na wala iyong halong malisya at gusto ko lang talaga siyang makitang maayos katulad ng nakasanayan ko. Iyong Gabriel na palaging clean-shaven at close
