Kung ang inaakala ni Louisa ay doon na matutuldukan ang pasanin niya sa kakaiba at mga pabago-bagong pag-uugaling pinapakita ng kanyang fiancé ay nagkakamali siya dahil nasundan pa nang nasundan ang pagiging suplado, moody, at madalas na pagiging iritable nito tuwing magkasama sila.
Napapadalas na nga na parang hirap siyang i-spelling-in ito. Hindi kasi niya matantiya kung kailan ang tamang timpla nito. Minsan ay sobrang mainit ang ulo at minsan nama'y parang masaya ito at masyadong overwhelmed kahit na wala namang ganoong kaenggrandeng pangyayari na ikao-overwhelmed. She was having a hard time puzzling Anton and his behavioral swings lately.
Ngunit ang talagang pinakahindi niya inaasahan sa lahat ay 'yung minsa'y pumasok siya sa opisina nito dahil may hinatid na foldered document. Walan
