"Ha? Ah, wa-wala. Nag-toothbrush lang ako to freshen up my feeling. May nakain kasi akong medyo malansa, eh," sabi ng fiancé ni Louisa na hindi makatingin ng diretso sa mga mata ng dalaga.
Tila hindi siya convinced. Pakiwari niya'y nagsisinungaling ito o may tinatagong kung ano at ayaw nitong matuklasan niya. Pero pakiramdam lang naman niya iyon. Ano bang malay niya kung hindi naman pala totoo at tunay naman ang sinasabi nitong nag-toothbrush lang ito.
Muling pumasada ang tingin niya sa likod nito na mas lalo lamang nitong hinarangan.
Nang dumapo ulit ang kanyang mga mata sa lalaki ay may napansin naman siya sa itsura nito.
"Anton, ayos ka lang ba? Bakit namumula yata 'yang mga mata mo?"
"Ha? Na-namumula?"
Sinilip nga nito ang sarili sa salamin at nakumpirmang tila tama ang sinabi ni
