"If you'll abandon your parents and the company tingin mo ba magiging masaya kayo ni Scarlet?"
May nilapag siyang isa pang papeles, minuwestra niya na tignan ko daw ito. Nagulat ako na makita ang pangalan niya sa titulo ng lupa na kinatitirikan ng bahay nina Scarlet sa Tondo.
"Huwag mo kaming ipahiya, Carl. Binayaran ko ang pagkakautang niyo na napakalaki. Tapos tatakas ka at hindi susunod sa kasunduan?"
"Pero hindi kita mahal, Carmie. Akala ko ba napag-usapan na natin ito?"
"Puwes mamili ka. Takasan mo ang problema ng mom at dad mo kasama si Scarlet? O tulungan mong bumangon ang kompanya niyo sa pamamagitan ng pagpapakasal sa akin," pagmamatigas niya.
"Madami akong kayang gawin, Carl."
Pina-freeze niya pati ang personal account ko sa bangko.
Tinignan ko si mommy na maluha-luha.
