Dahan-dahan ang mga hakbang ko hanggang sa makarating ako sa pintuan. Maingat kong sinarado ang pinto upang hindi makapag-likha ng anumang ingay.
Naging magaan ang ginawa kong hakbang hanggang sa makababa ako sa hagdanan. Para akong magnanakaw na ingat na ingat ang bawat galaw para hindi mahuli.
"Scarlet, saan ka galing?" tanong ni ate Mely sa akin. Nasa kitchen siya ngayon.
"Ahm, A-ate, bakit ang aga mo yata ngayon?" tanong ko din. Binalewala ko ang tanong niya dahil hindi ko alam ang isasagot ko sa kaniya.
"Ah, oo, may mga kamag-anak kasi sina sir na pupunta," sagot niya.
"Sige, ate, tulungan na kita diyan." Lumapit na ako at tumulong na din maghiwa ng karne na nakalagay sa center island table. Buti naman at 'di na ako inusisa pa ni ate.
Matapos kong mahiwa lahat ng karne at
