Mabilis ang lakad ni madam papunta ng maids quarter.
"May respeto ako sayo, Susan, pero hindi ibig sabihin nito na papayagan ko ang pamangkin mo na landiin ang anak ko." Galit at pasigaw na sinabi ni madam kay nanay. Narito pa lang ako sa labas ng maids quarter pero dinig na dinig ko ang boses ni madam.
Mabilis akong pumasok sa maids quarter at kita ko ang pagkagulat sa mukha ni nanay. Tila hindi siya makapaniwala sa sinabi ni madam. Tumingin siya sa akin ng may pagtatanong.
Nakayuko lamang ako habang nagsisimulang umagos ang mga luha ko.
"Hindi ang gaya niya ang nababagay sa anak ko. Pagsabihan mo 'yang ambisyosa at malandi mong pamangkin." Napapikit ako habang naririnig ang pang-iinsulto sa akin ni madam. Ito ang mga salita na ayaw kong marinig.
"Hindi ko po kayo maintindihan m
