“Mabuti naman naisip mo rin na makipagkita sa akin? Simula noong magkaroon ka ng guwapo at hot na jowa ay kinalimutan mo nang may maganda kang best friend!” Ito agad ang bungad sa akin ni Jerico nang magkita kami sa mall, araw ng Huwebes.
Nag-usap kami na magkikita ngayon dahil magpapatulong ako sa kanya. Si Sebastian naman ay nasa trabaho pa at nagsabi ako na ‘wag na niya akong sunduin dahil magkikita kami ni Jerico. Araw-araw ay hatid at sundo niya ako, ngayong araw lang hindi dahil sa nakaplanong lakad ko ngayon. Noong una ay gusto pa sana niyang sumama kaya lang hindi na ako pumayag. Hanggang ngayon ay inis pa rin siya sa tuwing nababanggit ko ang pangalan ni Jerico, ang akala niya yata talaga ay may gusto sa akin ang kaibigan ko.
Kung hindi pa ako nagbanta na hindi kami magtatabi m
