“Are you sleepy?” I felt Sebastian’s gentle and warm grip on my hand.
Pansamantalang nawala ako sa iniisip nang magsalita siya. Nakatanaw kasi ako sa labas at hanggang ngayon ay hindi pa rin maproseso ng utak ko ang mga nalaman kanina.
Nakangiting sumulyap ako sa kanya habang marahang umiiling. “Hmm… ikaw ba? Ako na kaya muna ang magmaneho? Alam kong pagod ka.”
Pauwi na kami sa bahay ngayon. Nagpresinta naman si Jerico na sa kanila na lang kami matulog, pero hindi naman pumayag si Sebastian. Ayoko na rin namang makaabala kay Jerico. Ang laking stress din ang naidulot ko sa kanya kanina. Muntik pa tuloy siyang madamay kung hindi kami nagkaayos ni Seb.
Galing pa siya sa trabaho kaya nagpresinta ako na sana ay ako na lang ang mag-drive para makapagpahinga siya. Dapat nga ay convoy na la
