Dinala ako ni Mamita sa patio nila sa bandang likod ng bahay. Iyong matatanaw namin ang malawak nilang lupain na pinagtataniman ng iba’t ibang mga puno partikular na ang mangga. Bigla tuloy akong natakam doon. Parang biglang gusto ng panlasa ko iyong maasim tapos isasawsaw sa toyo na may asukal tapos kaunting sili. Mukhang nanghihingi si baby, pero nahihiya naman akong humingi kay Mamita lalo na at may mga dumating pang bisita.
Kasunod namin sina Sebastian at ang girlfriend, uhm okay, ang fiance niyang si Mira. Nalulungkot ako na mula ngayon ay mayroon nang ibang babae na dadalhin si Seb dito, pero wala na akong magagawa pa roon. Hihintayin ko na lang ang araw na hindi na ako malulungkot at masasaktan kapag naaalala ko ‘yon.
“Okay, let’s have some tea first. Nagpapaluto pa ako ng merye
