“Hello, mars. Nandito na ako sa lobby. I will be there in a minute.”
“All right. Thank you.” Nagsuot ako ng roba at ibinaba na rin ang linya.
Hawak ko ang cellphone sa kamay habang naglalakad papunta sa pinto ng hotel room na inookupa ko ngayon. Eksakto namang malapit na ako sa pinto nang may kumatok dito. Pagbukas ko ay ang ngiting-ngiti na si Jerico ang bumungad sa akin.
“Hi, good morning. Ang ganda ko!” Bumeso muna siya sa akin bago nilampasan ako at tuloy-tuloy na pumasok sa kuwarto na akala mo ay siya ang may-ari nito.
Napapailing na pinanood ko na lang siya na magdire-diretso hanggang sa kama pero bago iyon ay ipinatong muna niya sa mesa iyong dala niyang bag at isang box ng pizza. Isinara ko na ang pinto at sumunod na rin sa kanya. Umupo ako sa sofa na nasa gilid lang ng kama
