Chapter 57
Bitbit ko yung tupper ware na pinaglalagyan ko ng mainit na ulam. Kakaluto ko lang ng adobo. Isa ito sa mga paboritong ulam ni kuya Calix.
Kahit gaano nawasak ang puso ko kagabi, hindi parin ako susuko sa pakikipagbalikan ko kay kuya Calix. Kasalanan ko naman kung bakit siya galit sakin. Kahit siguro magkabaliktad ang sitwasyon namin, kung ako yung bigla nalang iniwan malamang magagalit rin ako at masasaktan ng husto.
Kaya naman maaga palang ay abala na ako sa pagluluto ng ibibigay kong ulam para kay kuya Calix. Katext ko si Tita Monica kaninang umaga. Binalita niya sakin na nag-extend pa daw ng isang gabi si kuya Calix para sa 2nd night celebration ng ikinasal kagabi.
Sobrang napuno ng pag-asa ang puso ko at nabuo agad yung araw ko nang mabasa ko yung text sakin ni Tita Mo
