Chapter 30
"Tumabi kayo!"
Napatulala nalang si Agnes nang buhatin ni Calix ang kanyang walang malay na lola. Kanina pa siya humahagulgol sapagkat kahit anong yugyog niya sa kanyang lola ay hindi ito nagigising.
Kararating lamang ng paramedic team na tutulong sa kanyang lola upang dalhin sa hospital ngunit hindi man lang mabuhat ng dalawang lalakeng paramedic ang lola niya. May kabigatan kasi ang matanda at parang mas dumoble ang timbang sapagkat medyo naninigas na ang malamig na katawan.
Nagulat nalang sila parepareho nang biglang pumasok sa loob ng hotel room si Calix at Rustin. Parehong nag-aalala ang mga ito nang makitang pinagkakaguluhan ng mga paramedics ang katawan ng kanyang lola
Nilapitan agad ni Calix ang lola niya upang buhatin ito ng walang kahirap hirap. Samantalang nila
