HINDI mapakali si Aniya habang pabalik-balik sa labas ng pinto ng kuwarto ni Lucian. Pinakiramdaman niya baka bigla itong magpalit ng anyo. Naroon pa naman si Nash. Lalong kumabog ang dibdib niya nang makalabas na ng banyo si Nash.
“Umalis ba si Lucian?” tanong nito nang datnan siya sa salas.
“Uh… h-hindi. Nasa loob siya ng kuwarto,” tugon niya.
“Itatanong ko sana kung magkano ang package deal nila para sa blood chemistry sa laboratory.”
“Puwede mo namang itanong mismo sa laboratory sa baba. Baka kasi hindi rin kabisado ni Lucian.”
“Kung sa bagay. Kailangan ko na rin ng blood chemistry to monitor my health. Teka, bababa muna ako. Iwan ko muna ang cellphone ko rito,” ani ni Nash saka lumabas.
Nakahinga siya nang maluwag. Dagli siyang lumapit sa pintuan ng kuwarto ni Lucian at sana’y k
