KINAGABIHAN ay pumasok pa rin sa hotel si Aniya. Nagma-mop siya ng sahig sa conference room nang may pumasok. Napalingon siya sa pintuan. Namataan niya si Nash na siyang pumasok. Nakasuot pa ito ng puting tuxedo.
“May I disturb you?” kaswal nitong tanong. Halatang pagod ito dahil ang tamlay ng mga mata.
Tumigil naman siya sa kaniyang ginagawa. Hinarap niya ito at hinintay na makalapit. Tumango siya.
“Tumawag sa akin si Tita Miranda kanina. She said that Lucian was still not appearing. Pero nakita ko si Lucian kanina sa DRMC noong dumaan ako kasi pinapunta ako ni Tita Miranda. Papasok na siya sa school. Hindi niya ako kinausap. Then, nakausap ko ang nanay mo. Nagkakilala na rin pala sila,” kuwento nito.
“Gano’n ba? May problema ka ba kay Lucian?” aniya.
“Sinabi ng nanay mo na natulog s
