DANAYA
Naging masaya ako sa isang linggong bakasyon ni JC dito sa beach house. Ayaw pa sana niyang bumalik sa Maynila dahil mas gusto niyang manatili dito sa La Union, pero dahil alam kong busy siya at maraming trabaho ang naghihintay sa kanya, ako na mismo ang nagsabi na umuwi na kami.
Kahit komportable akong nakatira dito sa La Union, minabuti kong sumama sa kanya pabalik sa Maynila dahil alam kong hindi siya aalis kung hindi niya ako kasama.
“Are you ready, baby?” malambing na tanong ni JC sa akin.
Tiningnan ko ang ilang bag na nakahanda sa sahig at ngumiti sa kanya.
“Yeah, I'm done.”
Nakabihis na ako at hinihintay na lang na dumating ang chopper na susundo sa amin ni JC. Kagabi pa niya tinawagan ang kanang kamay ng kanyang ama at inutusan ito na sunduin kami ng kanyang tauhan ng
