DANAYA
Lumipas ang dalawang buwan na nagkukulong lang ako dito sa loob ng silid ko. Hindi rin kasi ako puwedeng maglakad-lakad sa labas dahil nahihirapan akong kumilos.
Masakit pa rin ang sugat sa tiyan ko sa tuwing gagalaw ako. Hindi madali ang naging proseso ng recovery ko kahit alaga ako ng doktor ko dahil bumagsak ang aking immune system at nakaramdam ako ng labis na panghihina.
Naka-bed rest lang ako sa loob ng tatlong linggo, kaya hindi naging madali para sa akin ang ilang linggong pagluluksa.
Additional stress rin sa akin ang pananakit ng dibdib ko dahil sa namuong gatas, kaya hindi ko napigilang umiyak sa tuwing naaalala ko ang aking anak.
I was physically and mentally drained. Pakiramdam ko wala nang bukas at nawalan ako ng pakialam sa paligid ko.
My family saw how I was los
