DANAYA
Minabuti kong huwag na lang pumasok sa restaurant at umalis sa parking lot. Pinasibad ko ang sasakyang dala ko at nagmaneho nang walang direksyon.
Hindi pa ako handang makaharap ang pamilya ni JC. Malapit sa akin si Ninang Camilla at para ko na siyang pangalawang ina. Alam ko na kapag nakita niya akong pumasok sa restaurant ay tatawagin niya ako at pakikiusapan na mag-dinner kasama sila.
Ayaw kong maging plastic. Pahihirapan ko lang ang sarili ko kapag ganoon ang nangyari, kaya minabuti kong umalis na lamang sa restaurant dahil nawalan na rin ako ng ganang kumain.
Minabuti ko na lang na magmaneho papunta sa sementeryo kung saan nakalibing ang anak ko. Ilang buwan ko na siyang hindi nadadalaw, kaya gusto ko muna siyang makasama ngayong narito ako sa Maynila.
Bumili ako ng bulak
