ALAS KUWATRO na ng hapon nang magpasya siyang maupo. Hindi naman siya natulog dahil sa presensya nito. Pero ang binata, tulog na tulog pa rin nang balingan niya.
Sana all na lang nakatulog ng maayos.
Lately, lalong naging clingy ang nobyo. Actually, simula nang sagutin niya ito. Kalabisan na nga ang ginagawa nito noon sa kanya sa tuwing natutulog. Pero hindi siya nag-iisip ng kung ano-ano, ang mahalaga sa kanya, nakakatulong siya sa binata. Maayos itong nakakatulog.
At sekreto niya iyon- ay hindi pala. Dalawa pala sila ni Zale ang nakakaalam, kaya hindi na sekreto.
Ang alam ni Madeleine, sa kabilang silid natutulog ang binata. Ayaw niya kasing mag-isip ito nang masama sa kanya.
Pero ngayong alam na ni Madeleine na nobyo niya si Zale, ayos lang daw na magtabi sila minsan. At dapat da
