PAGKATAPOS ni Zale mag-ihaw ay tumambay sila sa ilalim ng puno habang nakaharap sa malawak na dagat. Nasa tuktok sila kaya kita nila ang kagandahan niyon.
Nakasandal siya noon sa balikat ng binata habang ang kamay nito ay nakayakap sa kanya. Walang pag-uusap na nagaganap sa kanila. Kapwa nila sinusulit ang mga nakikitang magandang tanawin na sinasabayan ng mahanging paligid. Ibang-iba kasi ang view sa ibaba kumpara dito. Dito, abot tanaw nila lahat.
Bandang alas dose y medya na nang magyaya si Zale na kumain. Magkatulong na nilabas nila ang pagkain sa mesang nasa labas.
Ginataang talbos ng kamoteng-kahoy, inihaw na pusit at porkchop lang muna ang inihain nila sa mesa. May isa pa, lato seaweed yata ang pangalan no’n pero madali lang daw ihain iyon kaya nagbaon na lang ito ng mga gagamit
