MALALIM na bumuntong hininga si Count sa nakikitang resulta ng DNA test na hawak niya. Nagmamadali niya itong ibinalik sa loob ng envelope nang maramdaman niyang mayroong naglalakad sa hallway patungo sa silid. Tiyak na paakyat na ang asawa upang tignan niya, bahagya kasi siyang natagalan sa itaas. “This is freaking unbelievable!” Tama lamang ang naging desisyon niya na ilayo sa asawa ang resulta upang hindi ito mag-isip ng kung ano-ano. Itinago niya ang envelope sa kaniyang safe vault. Hindi naman iyon ginagalaw ng asawa dahil nagkasundo sila na mayroon tig-isang vault. Wala silang alam sa passcode ng isa’t isa. Ang vault ni Count ay wala namang kalaman-laman maliban sa ilang mga dokumento na pagmamay-ari niya. Ngunit mukhang magagamit niya na ang vault ngayon para sa mga bagay na nais ni
