NAGKAKATUWAAN sina Garrie at ang iba pa sa labas ng opisina ko. Pinapanood pala ulit nila ang video ng naging performance namin ni Audrey sa nagdaang Family Day. Tumikhim ako nang malakas para makuha ang atensiyon nila. Nagsilingon naman ang apat sa gawi ko.
"Hindi pa ba kayo nagsasawa riyan?" taas-kilay na tanong ko. "Kanino ba kayo natutuwa, sa sayaw ni Audrey o sa sayaw ko?"
"Pareho siyempre!" sagot ni Garrie. "Both of you are talented. Like mother, like daughter."
"Nambola pa!" wika ko at nakiupo na muna sa kanila. "Hindi pa ba babalik si Maricar? Aalis din kasi ako."
"Hindi pa, Vic. Baka maya-maya pa 'yon."
Napabuntung-hininga ako. Hiniram kasi ni Maricar ang kotse ko dahil may pipick-up-in na mga materyales. Nasa pagawaan na naman kasi ang sasakyan nito kaya nagpahatid na lang
