Pansin ng lahat ang biglang pagtahimik ni Pretzel mula nang dumating ang babae kanina. Tinanong nila siya kung bakit ngunit ayos lang naman daw siya aniya. Tahimik lang din siya habang naghahapunan sila hanggang makauwi silang dalawa ni Felix sa bahay.
Inoobserbahan n'ya ang kasama, naghahanap ng karagdagang pruweba upang masabing tama siya ng hinala na hindi si Felicity ang nag-aasikaso sa kanya. Ayaw niya lang ipahalata ang napapansin niyang kakaiba.
Nauna na siyang naghanda para matulog. Pumasok ng banyo at nagpalit pantulog. Nang matapos siya'y si Felix naman ang pumasok sa loob at ilang minuto muna siya sa loob bago lumabas.
Naligo siya at nagkuskos maigi para maalis ang mga alikabok at pawis sa balat niyang natuyo na. Nakangiti habang naghihilod at excited nang lumabas at makatab
